Mjesec borbe protiv vršnjačkog nasilja
Protekli mjesec februar obilježen je kao mjesec borbe protiv nasilja. U našoj školi akcenat smo stavili na promovisanju pozitivnih ljudskih vrijednosti, na učenju o emocijama i širenju prijateljstva. U velikom broju aktivnosti učestvovali su svi učenici od 1 do 9 razreda, svi razrednici i jedan broj predmetnih nastavnika. Aktivnosti koje smo sprovodili su razne radionice u svim odjeljenjima na temu emocija, empatije, altruizma, poštovanja itd, učenici su istraživali vrijednosti prijateljstva u raznim zemljama i kulturama i u skladu s tim pisali poruke o prijateljstvu na velikom broju stranih jezika, oslikavali smo mural, radili panoe i plakate, a sve sa ciljem promovisanja pozitivnih vrijednosti, sarađivali sa drugom osnovnom školom u realizaciji radionice Poštujmo različitosti i kroz zajedničke sportske aktivnosti. Za sve nas ovo je bio jako uspješan i produktivan mjesec , a nadamo se da će sve aktivnosti doprinijeti sprečavanju svih oblika nasilja među djecom.
0
0